Khmer	Pronunciation	English/Notes	#occ
ផ្លែ	plae	1. fruit 2. clf. for fruits (e.g., papaya, pineapple) 3. outcome, result 4. to bear fruit 5. blade (of a knife) 6. wart, blister	113/19

Link to overview page
Link to dictionary

Expressing dislikes 1 — Cultural note

តើក្លិនផ្លែទុរេនឈ្ងុយឬក្រអូបទេសម្រាប់អ្នក? ជនជាតិផ្សេងភាគច្រើនមិនចូលចិត្តក្លិនរបស់ផ្លែទុរេននោះទេ។ ប៉ុន្តែ ជនជាតិខ្មែរជាទូទៅចូលចិត្តក្លិននិងរសជាតិផ្លែទុរេនខ្លាំងណាស់ ។ ទុរេនដែលល្បីថាឆ្ងាញ់គឺទុរេនមកពីខេត្តកំពត។

Expressing hunger — Additional dialogue

ម្ដាយ៖ ឆ្អែតនៅកូន? នៅមានបង្អែម ទៅដួសម៉ោញ៉ាំម៉ោ។
កូន៖ ដូចអត់ចង់ញ៉ាំបង្អែមទេម៉ាក់ ឃ្លានអីជូរៗ។
ម្ដាយ៖ បង្អែមអេបណ្ដោយ។ ចង់ញ៉ាំអីជូរៗ ញ៉ាំស្វាយទៅអីចឹង នៅកញ្ច្រែងនោះមានពីរបីផ្លែដែរតាស។
កូន៖ មានស្វាយអ៎ម៉ាក់? ខ្ញុំបុកអំបិលសិន។

Fruits (Sakanan) — 10 Rambutan

នៅក្បែរដើមចេក នៅក្បែរផ្លែចេកនេះ យើងឃើញមានផ្លែសាវម៉ាវផងដែរ ដែលផ្លែសាវម៉ាវគឺជាផ្លែមួយដែលមានរាងចម្លែក ដោយសារតែសំបករបស់វាគឺមានរោមច្រើន បានន័យថាមានសរសៃច្រើន ប៉ុន្តែនៅខាងក្នុងគឺមានសាច់ពណ៌ស ដែលសាវម៉ាវគឺខ្លះពណ៌បៃតង ខ្លះពណ៌ក្រហម ដែលសាវម៉ាវគឺមានរសជាតិផ្អែមនិងជូរតិចៗ ហើយគ្រាប់របស់វាគឺធំនៅខាងក្នុង អញ្ចឹងយើងញ៉ាំតែសាច់ទេ គឺយើងអត់ញ៉ាំគ្រាប់និងអត់ញ៉ាំសំបកវានោះទេ។

Fruits (Sakanan) — 10 Mangosteen

បន្ទាប់មកទៀតគឺយើងឃើញមានផ្លែមង្ឃុត មង្ឃុតគឺជាផ្លែមួយប្រភេទ ដែលមានរសជាតិផ្អែមនិងជូរតិចៗ ដែលផ្លែមង្ឃុតគឺមានសំបករឹងៗ ប៉ុន្តែផុយ អញ្ចឹងសំបកមង្ឃុតគឺមានពណ៌រៀងក្រហមក្រមៅ ហើយសាច់របស់វាពណ៌ស ហើយសាច់មង្ឃុតយើងអាចញ៉ាំបានទាំងគ្រាប់ ញ៉ាំបានទាំងសាច់ ដែលមានរសជាតិជូរនិងផ្អែមតិចៗ ហើយសំបកមង្ឃុតគឺអាចចេញពណ៌ប្រឡាក់ខោអាវ អញ្ចឹងប្រសិនបើយើងធ្វើឲ្យខោអាវប្រឡាក់សំបកមង្ឃុតគឺពិបាកនឹងបោកណាស់ អញ្ចឹងយើងពិបាកនឹងបោកសម្អាតខោអាវយើងដែលប្រឡាក់សំបកមង្ឃុតណាស់ ដូច្នេះហើយនៅពេលដែលយើងញ៉ាំមង្ឃុតគឺយើងត្រូវមានការប្រុងប្រយ័ត្ន ម្យ៉ាងវិញទៀតមង្ឃុតគឺយើងអត់អាចញ៉ាំជ្រលក់ជាមួយស្ករសបានទេ ព្រោះវាអាចធ្វើឲ្យយើងពុលបាន វាអាចធ្វើឲ្យយើងពុល អញ្ចឹងយើងត្រូវញ៉ាំតែផ្លែវាជាមួយនឹងសាច់របស់វា ជាមួយនឹងគ្រាប់របស់វាតែប៉ុណ្ណោះ តែយើងអត់ត្រូវញ៉ាំជ្រលក់ជាមួយស្ករសទេ។

Fruits (Sakanan) — 10 Durian

បន្ទាប់មកទៀតគឺយើងឃើញមានរូបភាពផ្លែទុរេន អញ្ចឹងផ្លែទុរេនគឺជាផ្លែមួយប្រភេទ ដែលមានសំបករឹងនិងមានបន្លារឹង អញ្ចឹងផ្លែទុរេនគឺប្រសិនបើយើងប៉ះមិនប្រយ័ត្ន វាអាចធ្វើឲ្យយើងមុតដៃបាន ហើយផ្លែទុរេនជាទូទៅគឺមានសំបកពណ៌បៃតង ទោះបីជាវាទុំក៏ដោយ ក៏វាមានសំបកពណ៌បៃតងដែរ ហើយដើម្បីញ៉ាំផ្លែទុរេនបាន យើងត្រូវតែពុះសំបកវាចេញ ដោយយើងគ្រាន់តែយកកាំបិតមកឆូតសំបកវា ហើយចាប់ហែកសំបកនោះជាការស្រេច នឹង វានឹង យើងអាចឃើញសាច់របស់វាពណ៌លឿង ដែលសាច់របស់វាគឺមានលក្ខណៈជាក្លែបៗដូចក្លែបក្រូចដែរ ប៉ុន្តែវាធំៗជាងផ្លែក្រូច ហើយសាច់របស់វាគឺមានរសជាតិផ្អែម អត់មានរសជាតិជូរទេ អញ្ចឹងយើងឃើញសាច់របស់វា ហើយសាច់របស់វាក្រាស់ ដែលជាទូទៅទុរេនគឺយើងអត់ញ៉ាំសំបកហើយក៏អត់ញ៉ាំគ្រាប់ដែរ គឺយើងញ៉ាំវាតែសាច់តែប៉ុណ្ណោះ ដែលសាច់របស់វាគឺមានពណ៌លឿង។

Fruits (Sakanan) — 09 Apple

បន្ទាប់មកទៀតរូបភាពទី ៩ ដដែល ហើយរូបភាពចុងក្រោយគេគឺជារូបភាពផ្លែប៉ោម អញ្ចឹងវាជាប្រភេទផ្លែឈើមួយប្រភេទ ដែលផ្លែប៉ោមគឺ ជាធម្មតាគឺមានរសជាតិជូរបន្តិច អញ្ចឹងជូរតិចៗ អញ្ចឹងផ្លែប៉ោម មានផ្លែប៉ោមខ្លះពណ៌បៃតង ផ្លែប៉ោមខ្លះពណ៌ក្រហម ហើយផ្លែប៉ោមខ្លះទៀតគឺពណ៌ក្រមៅ អញ្ចឹងក្រហមក្រមៅ ដែលផ្លែប៉ោមទាំងអស់គឺមានរសជាតិជូរតិចៗលាយផ្អែម ដូច្នេះគឺងាយស្រួលញ៉ាំ ក៏ប៉ុន្តែផ្លែប៉ោមគឺអត់មានដាំដុះនៅក្នុងប្រទេសកម្ពុជាទេ ដោយសារតែផ្លែប៉ោមមិនអាចដាំនៅក្នុងប្រទេសកម្ពុជាបាន ដោយសារតែអាកាសធាតុប្រទេសកម្ពុជាគឺអត់អំណោយផលក្នុងការដាំផ្លែប៉ោមនោះទេ អញ្ចឹងអត់មាននរណាម្នាក់អាចដាំផ្លែប៉ោមបាននោះទេដោយសារតែអាកាសធាតុមិនអំណោយផល អញ្ចឹងផ្លែប៉ោមនៅក្នុងប្រទេសកម្ពុជាគឺសុទ្ធតែនាំចូលមកពីបរទេស ដោយជាទូទៅយើងឃើញថាផ្លែប៉ោមគឺយើងអាចញ៉ាំបានទាំងសំបកទាំងសាច់របស់វា ដោយយើងគ្រាន់តែកាត់ចេញនូវបណ្ដូលហើយនិងគ្រាប់របស់វាតែប៉ុណ្ណោះ ដោយយើងអត់ញ៉ាំគ្រាប់របស់ផ្លែប៉ោមទេ គឺយើងញ៉ាំតែសាច់និងសំបកវាតែប៉ុណ្ណោះ។

Cutting One’s Finger (Sakanan) — 01

នៅក្នុងរូបភាពទី ១ នៅក្នុងរូបភាពទី ១ យើងឃើញថា មានបុរសម្នាក់ មានអាយុគាត់ហ្នឹងប្រហែលជា ២០ ឆ្នាំ។ បាទ គាត់ពាក់អាវយឺតដៃខ្លីពណ៌លឿង បាទ គាត់ពាក់អាវយឺតដៃខ្លីពណ៌លឿង គាត់មានសក់ខ្មៅ ហើយគាត់កាត់សក់ខ្លី គាត់មើលទៅក្នុងរូបភាពនេះគឺគាត់នៅក្នុងផ្ទះបាយ បាទ គាត់នៅក្នុងផ្ទះបាយ ដោយសារតែគាត់កំពុងតែកាន់បន្លែនិងកំពុងតែចិតបន្លែដើម្បីធ្វើម្ហូប អញ្ចឹងយើងអាចនិយាយបានថា ពេលនេះគឺជាពេលដែលជិតញ៉ាំបាយហើយ ព្រោះគាត់កំពុងតែធ្វើម្ហូប យើងឃើញដៃឆ្វេងរបស់គាត់ ដៃឆ្វេងរបស់គាត់កំពុងតែកាន់កាំបិត រីឯដៃស្ដាំកំពុងតែកាន់មើមការ៉ុតមួយ គាត់កំពុងតែចិតការ៉ុតនោះជាចំណិតតូចៗជាច្រើន អញ្ចឹងយើងឃើញនៅក្បែរកាំបិតនោះ គឺមានចំណិតការ៉ុតតូចៗជាច្រើន ដែលគាត់បានចិតរួច ហើយនៅលើតុក្បែរគាត់ផងដែរ គឺយើងមានឃើញបន្លែជាច្រើនផ្សេងទៀត ដែលគាត់ដាក់នៅក្បែរនោះ មានដូចជាមើមការ៉ុតមួយ មានដូចជាផ្លែប៉េងប៉ោះពីរ ខ្ទឹមបារាំង ក៏ដូចជាផ្លែម្ទេសប្លោកផងដែរ អញ្ចឹងគាត់ដាក់បន្លែផ្សេងៗជាច្រើននៅលើតុក្បែរដៃរបស់គាត់ ងាយស្រួលក្នុងការគាត់យកមកចិត ដើម្បីធ្វើម្ហូប ដើម្បីញ៉ាំជាមួយនឹងបាយ អញ្ចឹងបុរសនោះ គាត់កំពុងតែចិតបន្លែ ដើម្បីធ្វើម្ហូបក្នុងការញ៉ាំបាយ។

Rice (Sakanan) — 08

បន្ទាប់មករូបភាពទី ៨ នៅក្នុងរូបភាពទី ៨ គឺយើងឃើញកសិករកំពុងតែច្រូតស្រូវ អញ្ចឹងស្រូវ ឬក៏ដើមស្រូវដែលទុំ គឺមានពណ៌ក្រហម អញ្ចឹងអម្បាញ់មិញ នៅក្នុងរូបភាពទី ៧ យើងឃើញសន្ទូងពណ៌បៃតងកំពុងតែបែកគុម្ព រហូតមកដល់រូបភាពទី ៨ គឺស្រូវផ្លែ ហើយទុំ អញ្ចឹងនៅពេលដែលស្រូវទុំ គឺមានពណ៌មាស ឬក៏ពណ៌លឿង អញ្ចឹងដើមស្រូវក៏មានពណ៌មាស ឬក៏ពណ៌លឿងដូចគ្នា នៅពេលដែលស្រូវទុំ អញ្ចឹងហើយ នៅពេលដែលស្រូវទុំ គឺកសិករ គាត់កំពុងតែច្រូតស្រូវ អញ្ចឹងការប្រមូលផលស្រូវ គឺយើងហៅថាការច្រូតស្រូវ ដោយនៅក្នុងរូបភាពនេះ គឺយើងឃើញកសិករ គាត់កំពុងតែដើរនៅក្នុងស្រូវរបស់គាត់ ដើរនៅក្នុងដើមស្រូវរបស់គាត់ដើម្បីច្រូត ដោយយើងឃើញដៃឆ្វេងគាត់កាន់ដើមស្រូវពណ៌លឿង រីឯដៃស្ដាំគាត់កាន់ឧបករណ៍សម្រាប់ច្រូតស្រូវ អញ្ចឹងឧបករណ៍សម្រាប់ច្រូតស្រូវ យើងហៅថាកណ្ដៀវ អញ្ចឹងគេអត់ប្រើកាំបិត ឬក៏ពូថៅ ដើម្បីទៅកាត់ដើមស្រូវនោះទេ គឺគេមានឧបករណ៍សម្រាប់កាត់ដើមស្រូវ យើងហៅថាកណ្ដៀវ ដែលវាមានមុខ មានធ្មេញតូចៗដូចរណារដែរ តែវាមានរាងកោង ហើយវាមានដងឈើសម្រាប់ចាប់កាន់ អញ្ចឹងវាជាធ្វើអំពីដែក ដោយមានដងឈើសម្រាប់ចាប់កាន់ ហើយវាមានធ្មេញតូចៗ ដូចរណារ ក៏ប៉ុន្តែវាមានរាងកោងខាងមុខបន្តិច ដើម្បីងាយស្រួលក្នុងការច្រូតស្រូវ អញ្ចឹងការប្រមូលផលស្រូវទុំ យើងហៅថាការច្រូតស្រូវ ហើយឧបករណ៍សម្រាប់ច្រូតស្រូវ គឺយើងហៅថាកណ្ដៀវ នៅក្នុងរូបភាពទី ៨ គឺកសិករ គាត់កំពុងតែប្រមូលផលស្រូវ ឬក៏គាត់កំពុងតែច្រូតស្រូវ។

Fruits (Sakanan) — 03

បន្ទាប់មកទៀតរូបភាពទី ៣ រូបភាពទី ៣ បន្ទាប់ពីទទួលបានការកុម្ម៉ង់ទិញពីនារី អតិថិជនហើយ បុរសម្នាក់ដែលជាអ្នកលក់នោះ គាត់ក៏បានយកល្ហុង ១ ផ្លែមកចិត ដើម្បីឲ្យអតិថិជនរបស់គាត់ ជាទូទៅល្ហុងគឺមាន ២ ប្រភេទ គឺយើងឃើញមានល្ហុងខ្ចី និងល្ហុងទុំ អញ្ចឹងជាទូទៅល្ហុងខ្ចីគឺយើងយកមកស្ល គឺយើងញ៉ាំជាផ្លែឈើអត់បានទេ ព្រោះវាខ្ចី រសជាតិវាសាប អញ្ចឹងគេយកមកស្ល ក៏ប៉ុន្តែពេលខ្លះគឺយើងយកល្ហុងខ្ចីមកញ៉ាំបាន ដោយយើងញ៉ាំជ្រលក់ជាមួយនឹងអំបិលម្ទេស ឬក៏ជ្រលក់ជាមួយនឹងប្រហុក ដែលប្រជាជនខ្មែរ គឺចូលចិត្តញ៉ាំល្ហុងខ្ចីជ្រលក់ជាមួយនឹងប្រហុកឆៅ គឺមានរសជាតិឆ្ងាញ់។ អញ្ចឹងជាទូទៅក្រោយពេលសម្រាកពីការងារ ឬក៏សម្រាកពីសិក្សា នៅពេលថ្ងៃគឺយើងឃើញថា មានប្រជាជនខ្មែរជាច្រើន គាត់តែងតែជុំគ្នាហើយញ៉ាំល្ហុង ហើយនិងញ៉ាំផ្លែឈើផ្សេងៗទៀតផងដែរ ដែលនៅខ្ចី ដែលយើងហៅថា ញ៉ាំម្ជូរជាមួយគ្នា អញ្ចឹងពួកគេតែងតែញ៉ាំម្ជូរជាមួយគ្នា ហើយនិយាយរឿងផ្សេងៗជាការកម្សាន្ត នៅពេលដែលពួកគេទំនេរ ក៏ប៉ុន្តែនារីម្នាក់នេះ គាត់បានទិញល្ហុងទុំដើម្បីញ៉ាំ អញ្ចឹងល្ហុងគឺខ្ចីក៏ញ៉ាំបាន ទុំក៏ញ៉ាំបានផងដែរ។ ដែលល្ហុង មុនពេលដែលយើងញ៉ាំ យើងត្រូវចិតសំបកចេញសិន ដែលសំបកល្ហុងខ្ចីគឺមានពណ៌បៃតង ចំណែកឯសំបកល្ហុងទុំគឺមានពណ៌លឿង ហើយសាច់ល្ហុងដែលនៅខ្ចី គឺមានពណ៌ស ចំណែកឯសាច់ល្ហុងដែលទុំ គឺមានពណ៌រៀងទឹកក្រូចបន្តិច អញ្ចឹងដើម្បីលក់ឲ្យអតិថិជន បុរសដែលជាអ្នកលក់ គាត់ត្រូវយកល្ហុងនោះមកពុះជាពីរជាមុនសិន បន្ទាប់មកគាត់ចិតសំបក ហើយនិងយកគ្រាប់ចេញ។

Personal Hygiene (Sakanan) — 07

បន្ទាប់មកទៀតរូបភាពទី ៧ នៅក្នុងរូបភាពទី ៧ យើងឃើញថា បន្ទាប់ពីក្មេងប្រុសម្នាក់នោះ គាត់លាបហ្វូមទៅលើមាត់របស់គាត់ ឬក៏កន្លែងណាដែលមានពុកមាត់ហើយ គាត់ក៏បានយកដងឡាម ដែលមានផ្លែឡាមនៅក្នុងនោះ យកមកកោរពុកមាត់របស់គាត់ចេញ អញ្ចឹងនៅក្នុងរូបភាពនេះ យើងឃើញថា ដៃឆ្វេងរបស់គាត់ គាត់កាន់ដងឡាមពណ៌បៃតងមួយ ដែលដងឡាមនោះគឺមានឡាមនៅក្នុងនោះផងដែរ អញ្ចឹងគាត់យកមកកោរពុកមាត់របស់គាត់ចេញ ដោយគាត់កោរកន្លែងណាដែលត្រូវបានលាបហ្វូម អញ្ចឹងគាត់កោរបណ្ដើរ គាត់ឆ្លុះមើលកញ្ចក់បណ្ដើរ ថាតើគាត់កោរស្អាតហើយឬនៅ អញ្ចឹងប្រសិនបើគាត់កោរនៅសល់ពុកមាត់បន្តិចបន្តួច គាត់ត្រូវតែកោរបន្ថែម ដើម្បីអស់ពុកមាត់ចេញពីមាត់របស់គាត់ អញ្ចឹងក្នុងការកោរពុកមាត់ យើងត្រូវតែប្រុងប្រយ័ត្នផងដែរ ដោយសារតែឡាមគឺមុត អញ្ចឹងឡាមគឺមុត ដូច្នេះប្រសិនបើយើងកោរអត់ប្រុងប្រយ័ត្នទេ យើងអាចមុតមាត់របស់យើង ឬក៏មុតថ្ពាល់របស់យើងបាន ដូច្នេះយើងត្រូវកោរដោយមានការប្រុងប្រយ័ត្នជានិច្ច ដោយយើងត្រូវឆ្លុះកញ្ចក់មើល ថាតើការកោររបស់យើងស្អាតហើយឬនៅ អញ្ចឹងប្រសិនបើកោរអត់ស្អាតទេ យើងត្រូវកោរម្ដងទៀត ប៉ុន្តែយើងត្រូវកោរដោយប្រុងប្រយ័ត្ន ដែលជាក់ស្ដែងក្មេងប្រុសម្នាក់នេះ គាត់កោរបណ្ដើរ គាត់ឆ្លុះកញ្ចក់បណ្ដើរ គាត់ប្រុងប្រយ័ត្នជាទីបំផុត ព្រោះគាត់ខ្លាចមុតថ្ពាល់របស់គាត់ ហើយយើងឃើញដៃឆ្វេងរបស់គាត់កាន់ដងឡាម ហើយដៃស្ដាំគាត់កាន់កូនកន្សែងមួយ ដើម្បីជូតចេញ អញ្ចឹងគាត់មានកូនកន្សែងដើម្បីជូតមាត់របស់គាត់នៅពេលដែលគាត់កោររួច ហើយគាត់ជូតហ្វូមចេញ ឬក៏គាត់ជូតឲ្យមាត់របស់គាត់ស្ងួតបន្ទាប់ពីកោរពុកមាត់។

Fruits (Sakanan) — 09 Mango

ហើយបន្ទាប់មកទៀតយើងឃើញមានផ្លែស្វាយ អញ្ចឹងនៅក្នុងរូបភាពនេះ យើងឃើញមានផ្លែស្វាយផងដែរ។ ដែលផ្លែស្វាយគឺជាផ្លែមួយប្រភេទដែលមានរសជាតិជូរ អញ្ចឹងស្វាយខ្លះគឺមានរសជាតិជូរ និងស្វាយខ្លះមានរសជាតិផ្អែម ប៉ុន្តែជាទូទៅភាគច្រើនផ្លែស្វាយគឺមានរសជាតិជូរ ដែលស្វាយខ្ចីគឺមានពណ៌បៃតង ហើយផ្លែស្វាយទុំគឺមានពណ៌លឿង អញ្ចឹងស្វាយខ្ចីពណ៌បៃតងគឺមានរសជាតិជូរខ្លាំង ចំណែកឯស្វាយទុំពណ៌លឿងគឺមានរសជាតិជូរអែមៗ បានន័យថាជូរផងផ្អែមផង ហើយគ្រាប់ស្វាយគឺធំដែលនៅចំកណ្ដាលស្វាយ អញ្ចឹងយើងអត់ញ៉ាំគ្រាប់ស្វាយបានទេ បានន័យថាគ្រាប់ស្វាយគឺរឹងនិងអត់អាចញ៉ាំបានទេ ដែលគ្រាប់ស្វាយខ្ចីគឺមានរសជាតិចត់ ចំណែកឯគ្រាប់ស្វាយទុំគឺរឹងខ្លាំង គឺយើងអត់អាចខាំបែកនោះទេ អញ្ចឹងគឺយើងញ៉ាំតែសាច់ស្វាយតែប៉ុណ្ណោះ ដែលមានរសជាតិជូរផងផ្អែមផង ដោយស្វាយខ្ចីគឺមានពណ៌បៃតង ហើយស្វាយចាស់ឬក៏ស្វាយទុំគឺមានពណ៌ក្រហម ឬក៏ពណ៌លឿង អញ្ចឹងស្វាយខ្ចីគឺយើងអាចញ៉ាំបានទាំងសំបកតែម្ដង គឺយើងអាចញ៉ាំទាំងសំបកស្វាយ ហើយនិងសាច់ស្វាយ ប៉ុន្តែយើងអត់ញ៉ាំគ្រាប់ទេ ក៏ប៉ុន្តែស្វាយទុំគឺយើងអត់ញ៉ាំសំបកទេ គឺយើងញ៉ាំតែសាច់វាតែប៉ុណ្ណោះ ដោយសារតែសំបកស្វាយទុំគឺស្វិត អញ្ចឹងវាយើងពិបាកញ៉ាំ អញ្ចឹងយើងញ៉ាំតែសាច់ស្វាយដែលមានរសជាតិជូរផងផ្អែមផងតែប៉ុណ្ណោះ។ ជាទូទៅផ្លែស្វាយគឺមានច្រើនប្រភេទ មានដូចជាស្វាយកែវរមៀត មានដូចជាស្វាយប៉ោម មានដូចជាស្វាយកែវចិន មានដូចជាស្វាយផ្សេងៗជាច្រើន ផ្សេងទៀតផងដែរ អញ្ចឹងស្វាយទាំងអស់គឺមានរសជាតិប្លែកៗពីគ្នាទៅតាមឈ្មោះរបស់វា។

Fruits (Sakanan) — 10 Banana

បន្ទាប់មកទៀតរូបភាពទី ១០ នៅក្នុងរូបភាពទី ១០ យើងឃើញមានរូបភាពផ្លែឈើជាច្រើនផ្សេងៗទៀតផងដែរ ដែលរូបភាពទី ១០ នៅខាងដើមគេ គឺយើងឃើញមានចេក អញ្ចឹងផ្លែចេកគឺជាផ្លែឈើមួយប្រភេទដែលយើងនិយមទូទៅនិយមញ៉ាំ ដោយផ្លែចេកគឺមាន[រសជាតិ]ថោក ហើយម្យ៉ាងទៀតផ្លែចេក នៅពេលដែលមានពិធីបុណ្យទានផ្សេងៗ គេយើងយកផ្លែចេកមកសែន ដោយផ្លែចេកនៅខ្ចីពណ៌បៃតង ហើយផ្លែចេកទុំគឺពណ៌លឿង ហើយផ្លែចេកគឺមានជាច្រើន បានន័យថាក្នុង ១ ស្និត គឺយើងរាប់ស្និត អញ្ចឹងក្នុង ១ ស្និត ជាទូទៅគឺមាន ១២ ផ្លែ អញ្ចឹងផ្លែចេក ១ ស្និតគឺមាន ១២ ផ្លែ ដែលយើងអាចញ៉ាំបានទាំង ១២ ផ្លែតែម្ដង ក៏ប៉ុន្តែផ្លែចេកគឺអត់មានគ្រាប់ទេ អញ្ចឹងផ្លែចេកគឺអត់មានគ្រាប់ទេ គឺមានតែសំបកហើយនិងសាច់ អញ្ចឹងដើម្បីញ៉ាំផ្លែចេកបានគឺយើងត្រូវតែបកសំបកវាចេញសិន គឺយើងអត់អាចញ៉ាំទាំងសំបកផ្លែចេកបានទេ ក៏ប៉ុន្តែសំបករបស់វាគឺមានលក្ខណៈរអិល ដូច្នេះប្រសិនបើយើងបកសំបកវា ហើយបោះទៅលើផ្លូវ នៅពេលដែលមាននរណាម្នាក់ដើរជាន់សំបកចេក គឺអាចធ្វើឲ្យគេរអិលដួលនិងមានគ្រោះថ្នាក់បាន ដូច្នេះគឺនៅពេលដែលយើងញ៉ាំចេក យើងត្រូវបោះសំបកចូលទៅក្នុងធុងសំរាម ហើយផ្លែចេកនៅពេលដែលយើងចង់ដាំ គឺយើងអត់មានគ្រាប់ទេ ប៉ុន្តែវាដុះដោយសារឫសចេកផ្សេងទៀត អញ្ចឹងបានន័យថានៅពេលដែលមានដើមចេកដុះមួយ នៅក្បែរនោះប្រាកដជាមានដើមចេកផ្សេងទៀតដុះដែរ។ អញ្ចឹងនៅពេលដែលនោះវា ឫសរបស់ចេកនោះគឺវានឹងដុះបានដើមចេកផ្សេងមួយទៀត អញ្ចឹងដើមចេកគឺយើងដាំដោយសារដើម គឺយើងអត់ដាំគ្រាប់នោះទេ។

Fruits (Sakanan) — 10 Jackfruit

បន្ទាប់មកទៀតរូបភាពទី ១០ ដដែល យើងឃើញមានផ្លែខ្នុរ ផ្លែខ្នុរគឺមានរូបរាងស្រដៀងនឹងផ្លែទុរេន គ្រាន់តែថាបន្លារបស់វាច្រើនជាងផ្លែទុរេន ហើយបន្លារបស់វាអត់មុតដូចបន្លាទុរេននោះទេ គឺសំបករបស់វាគឺទន់ៗតិចៗ អញ្ចឹងយើងអាចចាប់កាន់សំបកខ្នុរបាន ក៏ប៉ុន្តែយើងអត់អាចចាប់កាន់សំបកទុរេនបានទេ គឺវាធ្វើឲ្យយើងមុតដៃ អញ្ចឹងខ្នុរគឺ ដើម្បីយើងញ៉ាំបាន គឺយើងត្រូវតែបកសំបកវាដូចជាសំបកទុរេនដែរ ហើយសំបកខ្នុរគឺមានលក្ខណៈទន់ជាងសំបកទុរេន ហើយផ្លែខ្នុរ គឺយើង ពេលខ្ចីយើងអាចយកផ្លែវាមកធ្វើជាសម្លបាន គឺយើងអាចស្លបាន ស្លកកូរ ឬក៏ស្លសម្លផ្សេងៗបាន នៅក្នុងប្រទេសកម្ពុជាគឺយើងចូលចិត្តយកផ្លែខ្នុរមកស្លកកូរនៅពេលដែលវាខ្ចី ចំណែកឯពេលវាទុំ គឺសាច់របស់វាឡើងពណ៌លឿង អញ្ចឹងវាមានរសជាតិផ្អែម ហើយមានក្លិនក្រអូប ដូច្នេះយើងញ៉ាំ អាចញ៉ាំសាច់ខ្នុរបាន ចំណែកឯគ្រាប់របស់វាឆៅ គឺយើងញ៉ាំអត់កើតទេ គឺយើងអត់អាចញ៉ាំគ្រាប់ខ្នុរឆៅទេ គឺយើងអាចយកទៅស្ងោរឲ្យឆ្អិន អញ្ចឹងភាគច្រើននៅក្នុងប្រទេសកម្ពុជា យើងតែងតែស្ងោរគ្រាប់ខ្នុរដើម្បីញ៉ាំ បន្ទាប់ពីយើងញ៉ាំសាច់រួច តែគ្រាប់ខ្នុរជាទូទៅមានរសជាតិសាប អញ្ចឹងនៅពេលដែលយើងស្ងោរ គឺយើងត្រូវដាក់ថែមអំបិលបន្តិចដើម្បីវាមានរសជាតិប្រៃ អញ្ចឹងយើងអាចញ៉ាំសាច់ខ្នុរបានផង យើងអាចញ៉ាំគ្រាប់បានផងនៅពេលដែលវាឆ្អិន ហើយខ្នុរគឺមានក្លិនក្រអូប និងមានសំបកមានបន្លាទន់ៗ ដែលយើងអាចចាប់កាន់បាន ដូច្នេះទាំងអស់នេះគឺសុទ្ធតែជាផ្លែឈើដែលមាននៅក្នុងប្រទេសកម្ពុជា ហើយផ្លែឈើទាំងអស់នេះគឺសុទ្ធតែជាផ្លែឈើដែលអាចជំនួយសុខភាពរបស់យើង អត់មានរាងកាយរឹងមាំបាន ដូច្នេះយើងត្រូវតែឧស្សាហ៍ញ៉ាំផ្លែឈើ ដើម្បីឲ្យមានសុខភាពល្អទាំងអស់គ្នា។

Fruits (Sakanan) — 04

បន្ទាប់មកទៀតរូបភាពទី ៤ រូបភាពទី ៤ បន្ទាប់ពីបុរសអ្នកលក់ គាត់បានចិតល្ហុងនោះពុះជាពីររួចរាល់ហើយ គាត់ក៏បានចិតសំបកល្ហុង ដែលមានពណ៌លឿងនោះ ចេញឲ្យអស់ អញ្ចឹងសំបកមានពណ៌លឿង គឺយើងត្រូវចិតចេញពីសាច់ល្ហុងទាំងអស់ ដើម្បីឲ្យល្ហុងនោះនៅសល់តែសាច់ពណ៌ក្រហម ឬក៏សាច់ពណ៌ទឹកក្រូច ហើយបន្ទាប់មកគេត្រូវយកគ្រាប់ចេញ គឺយើងត្រូវយកខ្វេះ យកគ្រាប់ល្ហុងចេញឲ្យអស់ ដែលជាទូទៅគ្រាប់ល្ហុងគឺអត់នៅក្នុងសាច់ល្ហុងទេ គឺវានៅចំកណ្ដាលនៃផ្លែល្ហុងតែម្ដង អញ្ចឹងនៅពេលដែលយើងពុះវាជាពីរ យើងអាចឃើញគ្រាប់ល្ហុងបានច្បាស់ ហើយយើងគ្រាន់តែយកកាំបិត ឬក៏យកស្លាបព្រា មកដួសគ្រាប់ល្ហុងនោះចេញជាការស្រេច ដោយយើងអត់ពិបាកលូកឆ្កឹះទៅក្នុងសាច់ល្ហុងនោះទេ អញ្ចឹងសាច់ល្ហុង ក៏អត់មានខូចសោភ័ណភាពដែរ គឺវានៅស្អាតល្អ ដូច្នេះគេអត់ញ៉ាំគ្រាប់ល្ហុងនោះទេ ដោយគ្រាប់ល្ហុង គឺយកទៅដាំ ឬក៏យកទៅបោះចោល អញ្ចឹងប្រសិនបើយើងចង់ដាំដើមល្ហុង គឺយើងអាចយកគ្រាប់ល្ហុងនោះទៅដាំបាន ប៉ុន្តែប្រសិនបើយើងអត់ត្រូវការគ្រាប់ល្ហុងទេ យើងយកបោះចោលតែម្ដង គឺយើងញ៉ាំគ្រាប់ល្ហុងអត់កើតនោះទេ។ អញ្ចឹងនៅក្នុងរូបភាពទី ៤ យើងឃើញបុរសដែលជាអ្នកលក់ គាត់បានយកកាំបិតមកឆូតល្ហុងនោះជាពីរ ដើម្បីឲ្យវាទៅជាចំណិតតូចៗ អញ្ចឹងល្ហុងជាទូទៅគឺធំ ហើយរាងវាទ្រវែង ដូច្នេះដើម្បីងាយស្រួលញ៉ាំ គឺយើងយកកាំបិតមកចិតវា ដើម្បីឲ្យទៅជាចំណិតតូចៗមុននឹងយើងញ៉ាំ ដូច្នេះយើងអាចងាយស្រួលញ៉ាំ ដែលជាក់ស្ដែងនៅក្នុងរូបភាពនេះគឺដៃម្ខាងរបស់អ្នកលក់ គាត់ទប់ល្ហុងកុំឲ្យរង្គើ ឯដៃម្ខាងទៀតគាត់កាន់កាំបិត ដើម្បីឆូតល្ហុង ពុះល្ហុងជាពីរ គឺគាត់ឆូតពីមុខទៅក្រោយ បានន័យថាគាត់យកកាំបិតរបស់គាត់ គាត់យកចុងកាំបិតមកឆូតល្ហុងពីមុខទៅក្រោយ ដើម្បីពុះល្ហុងនោះជាពីរចំណែកស្មើគ្នា ឲ្យទៅជាចំណិតតូចៗ ដើម្បីឲ្យអតិថិជនរបស់គាត់ងាយស្រួលញ៉ាំ។

Fruits (Sakanan) — 02

បន្ទាប់មកទៀតរូបភាពទី ២ រូបភាពទី ២ បន្ទាប់ពីនារីម្នាក់នោះ គាត់បានដើរមកជិតរទេះលក់ផ្លែឈើនោះហើយ គាត់ក៏បានប្រាប់ទៅអ្នកលក់ថាគាត់ចង់ទិញផ្លែល្ហុង អញ្ចឹងជាទូទៅរទេះលក់ផ្លែឈើ បានន័យថាគាត់លក់ផ្លែឈើច្រើនប្រភេទ មានដូចជាស្វាយ មានដូចជាប៉ិកគក់ មានដូចជាខ្វិត មានដូចជាល្ហុង មានដូចជាម្នាស់ជាដើម។ អញ្ចឹងដើម្បីបំពេញតម្រូវការអតិថិជន អ្នកលក់ត្រូវតែយកផ្លែឈើយ៉ាងច្រើនមកលក់ ដើម្បីលក់ឲ្យអតិថិជន ដែលជាក់ស្ដែងបុរសម្នាក់ដែលគាត់កំពុងតែលក់ផ្លែឈើនេះ គឺគាត់លក់ផ្លែឈើជាច្រើនមុខ នៅក្នុងរទេះរបស់គាត់ ដែលនៅពេលដែលអតិថិជនរបស់គាត់ត្រូវការផ្លែឈើប្រភេទណា គឺគាត់មានលក់ផ្លែឈើនោះតែម្ដង ដែលជាក់ស្ដែងនារីដែលស្លៀកខោ ស្លៀកសំពត់ពណ៌ស ពាក់អាវពណ៌ប្រផេះដៃខ្លីនេះ គាត់ក៏បានដើរមកដើម្បីទិញផ្លែល្ហុងចំនួន ១ ផ្លែ ដូច្នេះគាត់ក៏បានប្រាប់ទៅអ្នកលក់ថា គាត់ចង់បានផ្លែល្ហុងចំនួន ១ ផ្លែ ហើយប្រាប់ឲ្យអ្នកលក់ចិតល្ហុងនោះផងដែរ ដូច្នេះអ្នកលក់គាត់ក៏បានឈរស្ដាប់នារីអ្នកទិញនោះយ៉ាងយកចិត្តទុកដាក់ ដើម្បីទទួលព័ត៌មានថា តើអតិថិជនរបស់គាត់កំពុងតែត្រូវការអ្វី អញ្ចឹងគាត់នឹងរៀបចំផ្លែឈើរបស់គាត់ ទៅតាមតម្រូវការរបស់អតិថិជន ដើម្បីឲ្យអតិថិជនយកទៅញ៉ាំ ដើម្បីនៅផ្ទះ ឬក៏ញ៉ាំនៅកន្លែងនានា ដែលគេចង់ញ៉ាំ អញ្ចឹងជាទូទៅការញ៉ាំផ្លែឈើបែបនេះគឺ ភាគច្រើនគឺយើងញ៉ាំនៅតាមកន្លែងធ្វើការ ឬក៏នៅតាមផ្ទះ ហើយគេលក់ផ្លែឈើនេះ គឺលក់នៅតាមចិញ្ចើមផ្លូវ គឺអត់លក់នៅក្នុងហាងនោះទេ ដែលពេលខ្លះយើងឃើញផ្លែឈើខ្លះលក់នៅក្នុងហាង ប៉ុន្តែផ្លែឈើដែលលក់នៅក្នុងហាង អាចមានតម្លៃថ្លៃជាងផ្លែឈើដែលលក់នៅតាមផ្លូវ នៅតាមរទេះបែបនេះ អញ្ចឹងផ្លែឈើដូចគ្នាគ្រាន់តែលក់នៅក្នុងហាង គឺអាចមានតម្លៃថ្លៃជាង អញ្ចឹងនារីម្នាក់នេះ គាត់បានដើរមកទិញផ្លែឈើដែលលក់នៅតាមរទេះ គឺវាមានតម្លៃថោក អញ្ចឹងវាអាចជួយសន្សំសំចៃរបស់នារីម្នាក់នោះបាន ដែលគាត់ទិញផ្លែល្ហុងចំនួន ១ ផ្លែ ហើយគាត់បានប្រាប់ទៅដល់អ្នកលក់ថា គាត់ត្រូវការផ្លែល្ហុងចំនួន ១ ផ្លែ។

Fruits (Sakanan) — 09 Watermelon

ហើយនៅជិតផ្លែម្នាស់នេះ យើងឃើញមានផ្លែឪឡឹកចំនួន ១ ផ្លែផងដែរ អញ្ចឹងផ្លែឪឡឹកគឺជាផ្លែឈើមួយប្រភេទដែលសម្បូរជាតិទឹក ដែលយើងឃើញផ្លែឪឡឹកគឺមានរូបរាងធំហើយមូល អញ្ចឹងផ្លែឪឡឹកខ្លះគឺមានរូបរាងមូល ផ្លែឪឡឹកខ្លះមានរូបរាងទ្រវែង ដែលសាច់នៅផ្លែឪឡឹកនៅពេលទុំគឺមានពណ៌ក្រហម ចំណែកសាច់ផ្លែឪឡឹកនៅពេលខ្ចីគឺមានពណ៌ស ប៉ុន្តែឥឡូវនេះ ឬក៏បច្ចុប្បន្ននេះ មានផ្លែឪឡឹកខ្លះគឺមានពណ៌លឿង ដែលយើងហៅថាឪឡឹកពណ៌លឿង ប៉ុន្តែសំបកឪឡឹកគឺមានពណ៌បៃតងជានិច្ច គឺបៃតងលាយសបន្តិច ដែលសរៀងបៃតង បានន័យថាបៃតងភ្លឺជាមួយនឹងបៃតងចាស់ ដែលឆ្លាស់ពណ៌គ្នា ដែលយើងឃើញសំបកឪឡឹកគឺមានបៃតងភ្លឺមួយជួរ បៃតងចាស់មួយជួរ បៃតងភ្លឺមួយជួរ អញ្ចឹងគឺឆ្លាស់ពណ៌គ្នា ប៉ុន្តែជាទូទៅឪឡឹកខ្ចីក៏ដោយ ឪឡឹកទុំក៏ដោយ គឺមានសំបកពណ៌បៃតង ហើយផ្លែឪឡឹកគឺ[មាន]ជាផ្លែមួយដែលមានគ្រាប់ច្រើនជាងគេ អញ្ចឹងនៅពេលដែលយើងញ៉ាំឪឡឹក គឺយើងអត់អាចឆ្កឹះគ្រាប់ចេញបានទេ ដោយយើងខាំទាំងគ្រាប់តែម្ដងដោយសារតែគ្រាប់ឪឡឹកតូចៗ អញ្ចឹងនៅពេលដែលយើងខាំនៅក្នុងមាត់ យើងទំពាយកសាច់ឪឡឹក ហើយគ្រាប់ឪឡឹកគឺយើងខ្ជាក់ចេញ អញ្ចឹងនៅពេលដែលយើងទំពា គឺយើងទំពាតែសាច់ឪឡឹកតែប៉ុណ្ណោះ ដូច្នេះនៅពេលដែលយើងប៉ះគ្រាប់ គឺយើងត្រូវខ្ជាក់គ្រាប់នោះចេញ គឺយើងអត់អាចញ៉ាំទាំងគ្រាប់ឪឡឹកបាននោះទេ ដោយសារតែគ្រាប់ឪឡឹកគឺរឹង [ដូច]វាតូចៗមែន ប៉ុន្តែវារឹង អញ្ចឹងវាអាចធ្វើឲ្យយើងពិបាកនៅក្នុងការញ៉ាំ ដូច្នេះយើងត្រូវតែចិតសំបក គឺយើងញ៉ាំឪឡឹកគឺយើងអត់ញ៉ាំទាំងសំបកទេ គឺយើងត្រូវចិតសំបកពណ៌បៃតងវាជាមុនសិន ហើយយើងពុះវាជាបន្ទះទ្រវែងៗ ដើម្បីងាយស្រួលញ៉ាំ ដើម្បីងាយស្រួលកាន់ញ៉ាំ ឬក៏យើងអាចកាត់វាជាកង់ៗបានផងដែរ ដោយកាត់ជាកង់ៗដូចផ្លែល្ហុង ហើយយើងយកឈើមកចាក់ញ៉ាំ អញ្ចឹងដោយសារតែផ្លែឪឡឹកគឺមានគ្រាប់ច្រើន ដូច្នេះយើងត្រូវតែខ្ជាក់គ្រាប់ចេញនៅពេលដែលយើងញ៉ាំ

Fruits (Sakanan) — 09 Orange (etc.)

ចំណែកឯបន្ទាប់មកទៀតរូបភាពទី ៩ ដដែល ប៉ុន្តែយើងឃើញនៅក្បែរផ្លែស្វាយគឺមានផ្លែក្រូច អញ្ចឹងផ្លែក្រូចគឺមានរសជាតិជូរអែមៗ បានន័យថាជូរផងផ្អែមផង ដែលផ្លែក្រូចគឺមានច្រើនប្រភេទ មានដូចជាក្រូចពោធិ៍សាត់ ក្រូចឃ្វិច ក្រូចឆ្មារ ក្រូចថ្លុង ក្រូចសើចជាដើម។ ដែលក្រូចជាទូទៅគឺមានរូបរាងខុសៗគ្នា ដោយក្រូចឃ្វិច ឬក៏ក្រូចពោធិ៍សាត់គឺមានរាងមូល ហើយក្រូចថ្លុងគឺមានរាងមូលធំ ចំណែកឯក្រូចឆ្មារគឺមានរាងតូចជាងគេ ដែលមានរសជាតិជូរខ្លាំងជាងគេ ប៉ុន្តែជាទូទៅក្រូចពោធិ៍សាត់ ឬក៏ក្រូចឃ្វិច គឺយើងមានរសជាតិជូរអែមៗឆ្ងាញ់ ដែលយើងតែងតែយកមកធ្វើជាផ្លែឈើដើម្បីញ៉ាំ ក្រោយពេលញ៉ាំអាហាររួច អញ្ចឹងក្រូច នៅពេលដែលខ្ចី គឺវាមានពណ៌បៃតង ចំណែកឯពេលទុំ ក្រូចពោធិ៍សាត់គឺមានពណ៌បៃតងដដែល ប៉ុន្តែសាច់ខាងក្នុងរបស់វាគឺមានពណ៌លឿង ប៉ុន្តែក្រូចឃ្វិចគឺមានពណ៌ សំបករបស់វានៅពេលទុំគឺមានពណ៌លឿង ហើយសាច់របស់វាគឺអត់ដូចផ្លែឈើផ្សេងទេ គឺសាច់របស់វាគឺបែងចែកចេញជាក្លែបៗ បានន័យថានៅពេលដែលយើងបកសំបក គឺយើងឃើញសាច់របស់វាមានដុំៗៗៗតែម្ដង ដែលបែងចែកជាក្លែបៗ រួចរាល់ស្រេចនៅក្នុងផ្លែ ដោយយើងគ្រាន់តែបេះក្លែបនោះយកមកញ៉ាំជាការស្រេច ប៉ុន្តែក្រូចក៏មានគ្រាប់របស់វាផងដែរ អញ្ចឹងយើងអត់ញ៉ាំគ្រាប់ក្រូចនោះទេ ដោយយើងត្រូវខ្ជាក់គ្រាប់ក្រូចចេញ ព្រោះថាគ្រាប់ក្រូចគឺរឹង ទោះបីជាវាតូចៗ ក៏ប៉ុន្តែគ្រាប់ក្រូចគឺរឹង ដូច្នេះយើងអត់ញ៉ាំទេ គឺយើងត្រូវខ្ជាក់ចេញ ហើយពេលខ្លះគឺយើងអត់ញ៉ាំសាច់ក្រូចទេ គឺយើងញ៉ាំតែទឹកក្រូចតែប៉ុណ្ណោះ ដោយយើងយកក្រូចនោះមកច្របាច់ឲ្យចេញទឹក ព្រោះថាផ្លែក្រូចគឺមានទឹកច្រើន នៅពេលដែលយើងខាំផ្លែក្រូច គឺឃើញប្រៀបដូចជាញ៉ាំទឹកក្រូចអញ្ចឹង អញ្ចឹងនៅពេលដែលវាបែកសាច់ គឺវាចេញទឹក ដូច្នេះពេលខ្លះគេគ្រាន់តែច្របាច់ទឹក គេគ្រាន់តែច្របាច់ក្រូច គឺយើងអាចញ៉ាំទឹកក្រូចបានតែម្ដង ហើយសំបកក្រូចគឺយើងអត់ញ៉ាំទេ ដោយសារតែវាមានរសជាតិហាងៗ បានន័យថានៅពេលដែលយើងញ៉ាំសាច់ក្រូចគឺផ្អែម ក៏ប៉ុន្តែសំបកក្រូចគឺយើងញ៉ាំអត់កើតទេ អញ្ចឹងគឺយើងញ៉ាំតែសាច់ក្រូចតែប៉ុណ្ណោះ។

Fruits (Sakanan) — 09 Pineapple

បន្ទាប់មកទៀតរូបភាពទី ៧ រូបភាពទី ៩ នៅក្នុងរូបភាពទី ៩ យើងឃើញមានរូបភាពផ្លែឈើជាច្រើននៅក្នុងរូបភាពនេះ ដែលយើងឃើញនូវផ្លែឈើទី ១ គឺផ្លែឈើ គេហៅថាផ្លែម្នាស់ អញ្ចឹងផ្លែម្នាស់គឺជាផ្លែមួយប្រភេទដែលមាន ដើមរបស់វាដុះនៅលើផ្លែតែម្ដង ឬក៏ស្លឹករបស់វាពណ៌បៃតង អញ្ចឹងវាដុះនៅលើផ្លែ ដែលផ្លែម្នាស់គឺមានសំបករឹង ហើយចាក់ ហើយនិងរៀងរមាស់បន្តិច ប្រសិនបើយើងប៉ះសំបករបស់វា ឬក៏ប៉ះស្លឹករបស់វា វាធ្វើឲ្យយើងរមាស់។ ដូច្នេះប្រសិនបើយើងចង់ញ៉ាំផ្លែម្នាស់ គឺយើងត្រូវចិតសំបកចេញ ហើយផ្លែម្នាស់គឺមានភ្នែក ដែល[ស្នាម]អុជៗតូចៗនៅលើផ្លែម្នាស់នោះ យើងហៅថាភ្នែកម្នាស់ អញ្ចឹងនៅពេលដែលយើងចង់ញ៉ាំម្នាស់ យើងត្រូវតែចិតសំបក បន្ទាប់ពីចិតសំបកហើយ យើងត្រូវចិតភ្នែកម្នាស់នោះចេញឲ្យអស់ដើម្បីញ៉ាំ ប្រសិនបើយើងអត់ចិតភ្នែកម្នាស់នោះទេ គឺយើងពិបាកក្នុងការញ៉ាំ ហើយវានឹងធ្វើឲ្យយើងរមាស់ផងដែរ។ ដូច្នេះយើងត្រូវតែចិតម្នាស់នោះ ចិតសំបកចេញ ក៏ដូចជាចិតភ្នែករបស់វាចេញ ដែលម្នាស់ជាទូទៅគឺមានរសជាតិជូរ ហើយមានសាច់វាពណ៌លឿងនៅពេលដែលវាទុំ អញ្ចឹងម្នាស់គឺមានរសជាតិជូរ នៅពេលដែលយើងចង់ញ៉ាំ គឺយើងត្រូវជ្រលក់ជាមួយនឹងអំបិលឬក៏ម្ទេស អញ្ចឹងជាទូទៅនៅក្នុងប្រទេសកម្ពុជា យើងញ៉ាំម្នាស់ជ្រលក់ជាមួយនឹងអំបិលម្ទេស អញ្ចឹងដោយសារតែម្នាស់មានរសជាតិជូរ អញ្ចឹងប្រសិនបើយើងញ៉ាំជាមួយនឹងអំបិលម្ទេស គឺវាធ្វើឲ្យវាមានរសជាតិឆ្ងាញ់ ជាខ្លាំង អញ្ចឹងវាមានរសជាតិឆ្ងាញ់ខ្លាំង ប្រសិនបើយើងជ្រលក់ជាមួយនឹងអំបិលម្ទេស ហើយម្នាស់នៅខាងក្នុងគឺមានបណ្ដូលមួយ ដែលបណ្ដូលហ្នឹងគឺយើងញ៉ាំអត់កើតទេ គឺយើង នៅពេលដែលយើងញ៉ាំម្នាស់ យើងត្រូវតែចិតបណ្ដូលនោះចេញ ព្រោះថាពេលខ្លះនៅពេលដែលយើងញ៉ាំបណ្ដូល វាអាចធ្វើឲ្យយើងកាត់អណ្ដាតបាន ដោយសារតែម្នាស់មានជាតិអាស៊ីតច្រើន ដូច្នេះនៅពេលដែលយើងញ៉ាំច្រើន វាអាចធ្វើឲ្យយើងឈឺពោះបាន ដូច្នេះយើងត្រូវញ៉ាំម្នាស់ក្នុងបរិមាណល្មមបានហើយ កុំឲ្យ[វា]យើងឈឺពោះ អញ្ចឹងម្នាស់គឺអត់មានគ្រាប់ទេ ផ្លែម្នាស់គឺអត់មានគ្រាប់ទេ យើង នៅពេលដែលយើងចង់ដាំម្នាស់ គឺយើងគ្រាន់តែយកក្បាលម្នាស់ដែលមានជាប់ស្លឹកនោះទៅដាក់នៅក្នុងដី ឬក៏យកទៅដាំនៅលើដី នោះវានឹងដុះចេញជាដើមម្នាស់ ហើយមានផ្លែម្នាស់មួយមកទៀតផងដែរ អញ្ចឹងយើងអត់ដាំតាមគ្រាប់ដូចផ្លែល្ហុងនោះទេ គឺយើងដាំជាដើម ឬក៏ជាស្លឹកវាតែម្ដង

Rice (Sakanan) — 09

បន្ទាប់មកទៀតរូបភាពទី ៩ នៅក្នុងរូបភាពទី ៩ បន្ទាប់ពីគាត់ច្រូតស្រូវរួចរាល់ហើយ អញ្ចឹងបន្ទាប់ពីកសិករ គាត់ច្រូតស្រូវរួចរាល់ហើយ យើងឃើញកសិករ គាត់កំពុងតែយកដើមស្រូវ ដែលមានស្រូវទុំ ឬមានផ្លែស្រូវទុំនៅជាប់ដើមនោះ មកបោកទៅនឹងក្ដារ ឬក៏ទៅនឹងថ្មមួយ អញ្ចឹងការធ្វើបែបនេះ យើងហៅថាការបោកស្រូវ ឬក៏ការបែនស្រូវ អញ្ចឹងដើម្បីប្រឡេះយកគ្រាប់ស្រូវចេញពីដើម គឺយើងអត់ប្រើដៃយើងប្រឡេះគ្រាប់ស្រូវម្ដងមួយគ្រាប់ៗនោះទេ គឺវាប្រើពេលយូរ ដោយសារតែដើមស្រូវនីមួយៗគឺមានផ្លែច្រើន ហើយក្នុងស្រែនីមួយៗគឺមានដើមស្រូវច្រើនផងដែរ ដូច្នេះ ដើម្បីឲ្យចំណេញពេលវេលា គឺយើងយកដើមស្រូវទាំងនោះទៅបោកទៅនឹងថ្ម ឬក៏បោកទៅនឹងក្ដារមួយបន្ទះ ដើម្បីឲ្យគ្រាប់ស្រូវជ្រុះមកក្រោម អញ្ចឹងដើម្បីប្រមូលផលស្រូវឲ្យបានល្អ គឺគេអត់បោកទៅផ្ទាល់នឹងដីនោះទេ គឺគេមានក្រាលកន្ទេលមួយ ដែលប្រជាជនកម្ពុជាតែងតែប្រើកន្ទេលដែលធ្វើអំពីស្លឹកត្នោត អញ្ចឹងគឺយើងបោកស្រូវនៅលើកន្ទេលស្លឹកត្នោត ហើយនៅពេលដែលគ្រាប់ស្រូវជ្រុះមក គឺជ្រុះនៅលើកន្ទេល ដូច្នេះកសិករងាយស្រួលប្រមូល ដោយមិនឲ្យគ្រាប់ស្រូវទាំងនោះប្រឡាក់ជាមួយនឹងដី អញ្ចឹងនៅក្នុងរូបភាពនេះ យើងឃើញកសិករ គាត់ពាក់អាវដៃវែង ខោជើងវែងដដែល ព្រោះថាដើមស្រូវគឺធ្វើឲ្យយើង អាចធ្វើឲ្យយើងរមាស់បាន ប្រសិនបើយើងអត់ពាក់អាវដៃវែង ឬក៏អត់ពាក់ខោជើងវែងទេ នៅពេលដែលយើងប៉ះពាល់ជាមួយដើមស្រូវ គឺដើមស្រូវអាចធ្វើឲ្យយើងរមាស់ខ្លួនបាន ដូច្នេះដើម្បីកុំឲ្យរមាស់គឺយើងត្រូវការពារខ្លួនយើងដោយពាក់អាវដៃវែង ឬក៏ខោជើងវែងជាដើម អញ្ចឹងនៅក្នុងរូបភាពនេះគឺគាត់កំពុងតែកាន់ដើមស្រូវមួយគុម្ព ហើយបោកទៅនឹងថ្មមួយ អញ្ចឹងនៅពេលដែលបោក គឺយើងឃើញគាត់បោកម្ដងមួយគុម្ពៗ ហើយយើងឃើញគ្រាប់ស្រូវកំពុងតែជ្រុះចេញពីដើមស្រូវទាំងនោះ អញ្ចឹងយើងឃើញនៅខាងមុខថ្ម គឺមានគ្រាប់ស្រូវពណ៌លឿងជាច្រើន ដែលជ្រុះនៅខាងមុខថ្ម អញ្ចឹងយើងឃើញថា គាត់បោកស្រូវដើម្បីយកស្រូវចេញពីដើមស្រូវ ដោយនៅខាងក្រោយគាត់ យើងឃើញ មានដើមស្រូវជាច្រើនទៀត ដែលមិនទាន់បោករួចរាល់ ដូច្នេះកសិករគាត់ត្រូវតែបោកស្រូវ ដើម្បីប្រមូលផលស្រូវចេញពីដើមស្រូវ អញ្ចឹងនៅពេលដែលយើងប្រមូលផលស្រូវចេញពីដើមស្រូវរួចរាល់ហើយ ដើមស្រូវដែលអត់មានគ្រាប់ស្រូវ យើងហៅថាចំបើង អញ្ចឹងដើមស្រូវគឺមានប្រយោជន៍ផងដែរ នៅពេលដែលយើងប្រមូលផល ឬក៏ប្រមូលស្រូវ បោកស្រូវចេញពីដើមអស់ហើយ គឺយើងអាចយកដើមស្រូវទាំងនោះ យកទៅឲ្យសត្វគោ ឬក៏សត្វក្របីស៊ី អញ្ចឹងសត្វគោ ឬសត្វក្របី វាស៊ីដើមស្រូវ ឬក៏ចំបើង ជាអាហារ ដូច្នេះកសិករគាត់អត់យកចំបើង ឬក៏ដើមស្រូវដែលអស់គ្រាប់នោះ យកទៅបោះចោលនោះទេ គឺគាត់អាចយកទៅឲ្យគោ ឬក្របីរបស់គាត់ស៊ីជាអាហារផងដែរ ដូច្នេះនៅក្នុងរូបភាពទី ៩ គឺកសិករ គាត់កំពុងតែបោកស្រូវរបស់គាត់ទៅនឹងថ្ម ឬក៏បោកស្រូវរបស់គាត់ទៅនឹងក្ដារមួយបន្ទះ ដើម្បីប្រមូលគ្រាប់ស្រូវចេញពីដើមស្រូវ ហើយយកគ្រាប់ស្រូវនោះទៅប្រើប្រាស់។